ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ថាសម្ដេចបានពិភាក្សាជាមួយរដ្ឋមន្ត្រីយុត្តិធម៌លោក កើត ឬទ្ធិ អំពីការផ្លាស់ប្ដូរថ្ងៃខែឆ្នាំកំណើតពីថ្ងៃទី៤ ខែមេសា ឆ្នាំ១៩៥១ មកថ្ងៃខែឆ្នាំកំណើតពិតរបស់សម្ដេចវិញគឺថ្ងៃទី៥ ខែសីហា ឆ្នាំ១៩៥២វិញ។

ថ្លែងនៅក្នុងពិធីជួបសំណេះសំណាលជាមួយក្រុមគ្រូពេទ្យសម្តេចតេជោ ប្រឆាំងកូវីដ-១៩ ធ្វើឡើងនៅសាលពិព័ណ៍ជ្រោយចង្វារ រាជធានីភ្នំពេញ សម្តេចតេជោ ហ៊ុន សែន លើកឡើងថាបន្ទាប់ពីសម្ដេចត្រលប់ពីប្រទេសស្វីសវិញ សម្ដេចនឹងដាក់ស្នើទៅតុលាការដើម្បីឱ្យតុលាការសម្រេចឱ្យកែតម្រូវថ្ងៃខែឆ្នាំកំណើត មុននឹងត្រូវកែប្រែអត្តសញ្ញាណកម្មទាំងអស់របស់សម្ដេច ថ្វាយព្រះមហាក្សត្រ ប្រកាសជូនពលរដ្ឋទូទាំងប្រទេស និងធ្វើកំណត់ទូតទៅប្រទេសជាមិត្តផងដែរ។

បច្ចុប្បន្នសម្ដេចកំពុងប្រើប្រាស់ថ្ងៃខែឆ្នាំកំណើតថ្ងៃទី៤ ខែមេសា ដែលជាថ្ងៃខែដែលសម្ដេចបានរត់ចូលព្រៃតស៊ូ៕ 

^{PHOTO: EAC NEWS}